Oralda 4000 jastyń úni jańǵyrdy: referendýmdy qoldaýǵa arnalǵan forým el nazaryn aýdardy
ORAL. KAZINFORM - 2026 jylǵy 3 naýryzda Jaıyq arena sport kesheninde respýblıkalyq referendým qarsańynda aýqymdy jastar forýmy ótti.
Іs-sharaǵa Oral qalasy men Batys Qazaqstan oblysynan 4000-nan astam jas jınaldy.
Forým zamanaýı formatta uıymdastyrylyp, Konstıtýtsııanyń qoǵam damýyndaǵy róli, azamattyq jaýapkershilik jáne el bolashaǵy keńinen talqylandy. Spıkerler jańa Konstıtýtsııa jobasy saıası júıege, ekonomıkaǵa jáne qoǵamdyq kelisimge áserin atap ótti. Qatysýshylar referendýmnyń mańyzyn qoldap, belsendi pozıtsııa tanytýǵa daıyn ekenderin bildirdi.
Keshtiń áserli sáti – 2000 jaryqshamnan quralǵan «tańdaý» sımvoly. Dronmen túsirilgen kórinis jastardyń birligi men ortaq ustanymyn aıshyqtady. Áleýmettik jelide #BizQoldaımyz heshtegi keń qoldaý tapty.
Mádenı baǵdarlamada Rafa, Alına Gerts jáne hedlaıner Nurjan Kermenbaev óner kórsetti.
Forým sońynda myńdaǵan jas «Atameken» ánin birge oryndap, jańa Konstıtýtsııany qoldaıtynyn jáne el bolashaǵyna beıjaı qaramaıtynyn naqty kórsetti.
