Oralda 4 jasar balasyna pyshaq suqqan áıel tergelýde
ORAL. QazAqparat - Oralda tórt jasar ulyna pyshaq suǵyp alǵan áıelge qatysty qylmystyq is qozǵalyp, tergeý amaldary júrgizilýde, dep habarlaıdy «QazAqparat» HAA tilshisi.
BQO ishki ister departamentiniń baspasóz qyzmetinen túsken málimetke qaraǵanda, bıylǵy 12 aqpanda oblystyq kópbeıindi balalar aýrýhanasyna denesine pyshaq suǵylǵan bala jatqyzylǵan.
Polıtsııa qyzmetkerleri anyqtaǵandaı, 1987 jylǵy áıel sol kúni saǵat 20.30 shamasynda tórt jasar ulyna qasaqana túrde qııanat jasamaqshy bolǵan.
17 aqpan kúni bala aýrýhanadan shyǵarylyp, Oral qalasy qamqorshylyq jáne qorǵanshylyq organynyń qaýlysyna sáıkes, kámeletke tolmaǵandardy beıimdeý ortalyǵyna ornalastyryldy.
Atalǵan áıelge qatysty QR QK 140-baby 2-bólimine sáıkes qylmystyq is qozǵalyp, odan eshqaıda ketpeý týraly qolhat alyndy.
