Oralda 4 jasar bala ekinshi qabat terezesinen qulap ketti

ORAL. QazAqparat – Oralda tórt jasar bala ekinshi qabat terezesinen qulap ketti, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkenindeı, oqıǵa 9 jeltoqsan kúni saǵat 18.30-da Á.Kekilbaev kóshesi 141-8-mekenjaıynda boldy.

Ata-analarynyń qaraýynsyz qalǵan 4 jasar ul bala terezden qulap ketip, oblystyq kópbeıindi balalar aýrýhanasyna jatqyzyldy.

Oqıǵa ornyna jedel járdem brıgadasy (3 qyzmetker, 1 tehnıka) bardy.

Aldyn ala málimet boıynsha balanyń oń jaq samaı tusy kógergen, jabyq bas-mı jaraqatyn alyp, mıy shaıqalǵan.

Qazirgi kezde oqıǵanyń jaı-japsary anyqtalý ústinde.

Eske sala keteıik, budan buryn BQO-da gaz aýa qospasy jarylyp, eki adamnyń kúıik jaraqatyn alǵanyn jazǵan bolatynbyz.