Oralda 4 kólik soqtyǵysyp, úsh adam zardap shekti

ORAL. QazAqparat – Oral qalasynda tórt avtokólik soqtyǵysyp, úsh adam zardap shekti, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkenindeı, oqıǵa 29 jeltoqsan kúni shamamen saǵat 23.00-de Jáńgir han kóshesinde boldy.

«Shaǵan ózeninen ótetin kópir tusynda BMW, Suzuki jáne eki «VAZ» avtokóligi túıisti. Jol apaty saldarynan úsh adam túrli dene jaraqattaryn aldy. Olardy jedel járdem kóligi alyp ketti. Oqıǵa bolǵan jerde polıtsııa qyzmetkerleri jumys istedi. Qazirgi kezde oqıǵanyń jaı-japsary anyqtalyp jatyr», dep habarlady vedomstvodan.

Eske sala keteıik, budan buryn BQO-da eki júk kóligi soqtyǵysyp, 44 jastaǵy júrgizýshiniń kóz jumǵanyn jazǵan bolatynbyz.

Sondaı-aq Oralda joǵalyp ketken 30 jastaǵy jigit bir aıdan beri tabylmaı jatyr.

Foto: BQO polıtsııa departamenti