Oralda 4 bala Jaıyqty júzip ótpek bolǵan
ORAL. QazAqparat – Oralda Jaıyqty júzip ótpek bolǵan tórt bala qutqaryldy, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 10 tamyz kúni saǵat 14.01-de boldy.
Jedel qutqarý jasaǵynyń qyzmetkerleri (2 adam, 1 júzý quraly) ózendi torýyldap júrgen kezde 12 jastaǵy eki, sondaı-aq 14 jáne 13 jastaǵy balalar qutqaryldy. Olar ózendi júzip ótpek bolǵan.
TJ departamenti shomylý maýsymy kezinde adamdardy saqtandyrý úshin sharalar keshenin júrgizip keledi. Soǵan qaramastan, turǵyndardyń sýǵa ketýi tyıylmaı otyr. Bıyl óńirde 14 adam sýǵa ketse, sonyń teń jartysy – jasóspirimder. 6 adam qutqaryldy.
Sýǵa ketýdiń negizgi sebepteri – ata-analardyń balalaryn qaraýsyz jiberýi (6 oqıǵa), eresekterdiń ózenge mas kúıinde túsýi (5). Sondaı-aq balyq aýlaý kezinde 1, abaısyzda 2 adam batyp ketken.
Aýa temperatýrasynyń (25 gradýsqa deıin) tómendeýine baılanysty 1-9 tamyz aralyǵynda oblysta sýǵa ketý oqıǵasy tirkelgen joq.
Eske sala keteıik, budan buryn Oralda eki kópqabatty turǵyn úıden órt shyǵyp, 20-ǵa jýyq adamnyń evakýatsııalanǵanyn jazǵan bolatynbyz.
