Oralda 39 jastaǵy jumysshy óndiris ornynda qaza tapty

ORAL. KAZINFORM — Oral qalasynda jaýapkershiligi shekteýli seriktestikterdiń birinde qaıǵyly oqıǵa boldy.

BQO polıtsııa departamentiniń baspasóz qyzmetinen málim etkenindeı, 23 qańtar kúni óndiristik tsehta 39 jastaǵy er adam qaza tapty.

— Osy derekke oraı qylmystyq is qozǵaldy. Qazirgi kezde sotqa deıingi tergeý amaldary júrgizilip jatyr. Oqıǵanyń tolyq jaı-japsary anyqtalý ústinde, — dep habarlady vedomstvodan.

Turǵyndardyń sózine qaraǵanda, oqıǵa shujyq tsehynda bolǵan. Stanokqa qysylyp qalǵan er adam oqıǵa ornynda kóz jumǵan.

Eske sala keteıik, budan buryn Batys Qazaqstanda óndiristegi jazataıym oqıǵadan 8 adam zardap shekkenin jazǵan edik.