Oralda 38 jastaǵy er adam pyshaq jaraqatynan mert boldy
ORAL. QazAqparat – Oralda pyshaq jaraqatynan er adam qaza tapty, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz qyzmeti málim etkenindeı, oqıǵa 28 jeltoqsan kúni Ábýbákir Kerderi kóshesi, 181 mekenjaıynda boldy.
Jedel járdem saǵat 02.39-da shaqyryldy. Keýde tusynan pyshaq jaraqatyn alǵan 38 jastaǵy er adam jedel járdem kelgenge deıin kóz jumdy.
Turǵyndardyń sózine qaraǵanda, er adam azamattyq nekedegi áıelimen birge araq ishken. Sonyń barysynda sózge kelip, saldarynan áıeli pyshaq suǵyp alǵan.
BQO polıtsııa departamentiniń baspasóz qyzmeti Qylmystyq kodekstiń 99-baby 1-bólimine sáıkes qylmystyq is qozǵalyp, tergeý amaly júrgizilip jatqanyn jetkizdi. Kúdikti áıel ýaqytsha ustaý ızolıatoryna qamaldy.
Turǵyndardyń sózine qaraǵanda, er adam azamattyq nekedegi áıelimen birge araq ishken. Sonyń barysynda sózge kelip, saldarynan áıeli pyshaq suǵyp alǵan.
Eske sala keteıik, budan buryn Oralda tok soqqan er adamnyń qaza bolǵanyn jazǵan edik.
