Oralda 35 jastaǵy áıel adam sýǵa ketti
ORAL. QazAqparat - Oralda júzý bilmeıtin áıel adam sýǵa ketti, dep habarlaıdy QazAqparat tilshisi.
BQO TJ departamenti jedel qutqarý jasaǵy sýdan qutqarý qyzmetiniń basshysy Alekseı Eremeevtiń aıtýynsha, qaıǵyly oqıǵa keshe saǵat 18.00 shamasynda Jelaev kenti jaqtaǵy «Jaıyq-2» aýdanynda boldy.
1983 jylǵy áıel adam sýǵa túsýge bolmaıtyn jerden túsken. Ol ári júzý bilmeıdi eken. Marqumnyń denesin qutqarýshylar alyp shyqty.
Budan buryn óńirde eki adam sýǵa ketken bolatyn.
«Adamdar sýǵa túsken kezde qaýipsizdikti saqtaı bermeıdi. Onyń sońy qaıǵyly oqıǵaǵa soqtyryp jatady. Qazirgi kezde kún ysyp turǵandyqtan, sýǵa túsýshiler qatary kóbeıýde. Sondyqtan turǵyndarǵa abaı bolý kerektigin eskertemiz», -dedi QazAqparat tilshisine A.Eremeev.
Eske sala keteıik, budan buryn Oralda 19 jasar boıjetkenniń sýǵa ketkenin jazǵan bolatynbyz.
