Oralda 33 jastaǵy áıeldiń ólimine baılanysty tórt kúdikti ustaldy
ORAL. QazAqparat - Oral qalasynda Ulttyq ulan jaýyngerleri 33 jastaǵy azamatshanyń ólimine qatysy bar kúdiktilerdi ustady, dep habarlaıdy «QazAqparat» tilshisi.
«Batys» óńirlik qolbasshylyǵynyń baspasóz qyzmetinen túsken málimetke qaraǵanda, oqıǵa 18 qańtar kúni keshkisin oryn alǵan. Saǵat 21.00 shamasynda 5517 áskerı bólimniń Aqnıet Násipqalıev, Zııatjan ıÝnýsmetov, Mereke Qasymhanov esimdi qatardaǵy jaýyngerleri bar toby 4-shaǵynaýdanda №9 úıdiń jertólesinen qatty shyǵyp jatqan daýystardy estip, tómenge túsedi. Sol jerden beti qanǵa boıalǵan qyzdyń múrdesin, asúı pyshaǵyn jáne tórt adamdy kóredi. Sol boıda top basshysy A.Násipqalıev polıtsııa qyzmetkerlerin oqıǵa ornyna shaqyrady. Tórt kúdiktiniń bári de ustalyp, tártip saqshylaryna tapsyryldy.
Qazirgi kezde QR QK 99-babyna sáıkes tergeý amaldary júrgizilýde.
