Oralda 33 jastaǵy áıel jezóksheler uıasyn uıymdastyrǵan
BQO Polıtsııa departamentiniń resmı ókili Bolatbek Belgibekovtiń málim etkenindeı, atalǵan áıel budan buryn da osyndaı qylmysy úshin jaýapqa tartylǵan.
Soǵan qaramastan, prıton ustaǵan áıel úsh qyzǵa kúsh kórsetip, ıntımdik qyzmet kórsetýge májbúrlegen.
B.Belgibekovtiń sózine qaraǵanda, M.Mámetova kóshesi boıynda kúdikti páter týraly jedel aqparat túskennen keıin 13 tamyz kúni shamamen saǵat 06.00-de polıtsııa departamentiniń qyzmetkerleri prıton uıymdastyrýshy men onyń eki sybaılasyn, 1995 jáne 1996 jylǵy áıelderdi qolǵa túsirdi.
Tergeý barysynda atalǵan toptyń 1987, 1998 jáne 1998 jylǵy qyzdardy ıntımdik qyzmet kórsetýge paıdalanyp, zańsyz paıda tapqany belgili boldy. Páterden 140 myń teńge tárkilendi. Ustalǵandardyń túsindirgenindeı, bul tek eki kún ishinde túsken aqsha bolyp shyqty.
Intımdik qyzmet kórsetken qyzdar májbúrli túrde osyndaı qadamǵa barǵanyn, baǵynbasa, kúsh kórsetilgenin aıtyp berdi.
Qazirgi kezde QR QK 309-baby 2-bóligine sáıkes (jezókshelikpen aınalysýǵa arnalǵan prıtondar uıymdastyrý nemese olardy ustaý jáne jeńgetaılyq) sotqa deıingi tergeý amaldary júrgizilýde.