Oralda 33 jastaǵy turǵyn adamdardy qorqytyp, aqsha bopsalaýmen aınalysqan

ORAL. KAZINFORM — Oral qalasynda qorqytyp aqsha bopsalaýmen aınalysqan 33 jastaǵy turǵyn ustaldy.

BQO Polıtsııa departamentiniń baspasóz qyzmetinen málim etkenindeı, kúdikti áleýmettik jelide jalǵan akkaýnt ashyp, ózin áıel retinde kórsetip, jábirlenýshilermen tanysqan.

- Kezdesýde ózin quqyq qorǵaý organdarynyń qyzmetkeri retinde tanystyryp, olardyń is-áreketi zańsyz ekendigin aıtyp, qorqytyp aqsha bopsalaǵan. Osylaısha, jábirlenýshiler oǵan 3 mln astam teńge bergen. Kúdikti qolǵa túsip, 3 epızod boıynsha qylmystyq is qozǵalyp, tergeý amaldary júrgizilip jatyr, - dep habarlady vedomstvodan.

Eske sala keteıik, budan buryn BQO-da ınternet-alaıaqtyq qylmysy 27,7 paıyzǵa ósip ketkenin jazǵan bolatynbyz.