Oralda 3 jasar qyz sorpaǵa kúıip qalǵan balabaqshanyń basshysy qatań sógis aldy

Oralda 3 jasar qyzdyń ystyq sorpaǵa kúıip qalýy oqıǵasy boıynsha balabaqsha basshysyna tártiptik jaza qoldanyldy, dep habarlaıdy Kazinform.

Oral qalasy bilim berý bóliminen málim etkendeı, túski as kezinde kúıip qalǵan búldirshinge alǵashqy kómek kórsetilip, dereý jedel járdem shaqyrtylǵan.

«Oqıǵa boıynsha zerdeleý júrgizildi. Óz laýazymdyq mindetterin atqarý barysynda óreskel kemshilikterge jol bergen tárbıeshi men tárbıeshiniń kómekshisi jumystan shyǵarylady. Mektepke deıingi uıym meńgerýshisi mindetin atqarýshyǵa qatań sógis túrindegi tártiptik jaza berildi» dep habarlady vedomstvodan.

Eske sala keteıik, budan buryn Oralda 3 jasar qyzdyń ystyq sorpaǵa kúıip qalǵanyn jazǵan edik.