Oralda 3 jasar bala úshinshi qabat terezesinen qulap ketti
ORAL. QazAqparat – Oralda úsh jasar ul bala úshinshi qabattaǵy páter terezesinen qulap ketti, dep habarlaıdy QazAqparat tilshisi.
BQO Tótenshe jaǵdaılar departamentiniń baspasóz qyzmetinen málim etkenindeı, oqıǵa 27 maýsym kúni saǵat 20.30-da S.Meńdeshev kóshesi 11-mekenjaıynda ornalasqan bes qabatty úıde boldy.
Ata-analarynyń qaraýynsyz qalǵan úsh jasar bala terezeden qulap ketti. Aýrýhanaǵa jatqyzylǵan balanyń jaǵdaıy ortasha, ol jabyq bas-mı jaraqatyn alyp, mıy shaıqalǵan.
BQO densaýlyq saqtaý basqarmasynyń naqtylaýynsha, jedel járdem saǵat 20.30-da shaqyrtylyp, brıgada bes mınýttan keıin jetti. Bala oblystyq kópbeıindi aýrýhanaǵa jetkizildi.
«Bas pen mıdyń jabyq jaraqatyn alǵan balanyń qazirgi jaǵdaıy turaqty. Aýrýhananyń travmatologııa bólimine jatqyzyldy», dep habarlady oblystyq densaýlyq saqtaý basqarmasynan.
Batys Qazaqstan oblysynda jyl basynan beri 7 bala terezeden qulap ketti, olardyń bireýi qaza boldy.
Eske sala keteıik, budan buryn Oralda tórt jasar qyz balanyń tórtinshi qabattyń terezesinen qulap ketkenin jazǵan bolatynbyz.
