Oralda 3 jasar bala tórtinshi qabattaǵy terezeden qulap ketti
ORAL. QazAqparat - Oralda 3 jasar bala 4-qabattaǵy terezeden qulap ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa búgin saǵat 16.30-da Zachagan kenti Qambar batyr kóshesi 6-mekenjaıda ornalasqan 5 qabatty úıde boldy.
Ata-anasynyń qaraýynsyz qalǵan 2018 jylǵy bala tórtinshi qabattan qulap ketken.
Bala oblystyq kópbeıindi balalar aýrýhanasyna jetkizildi.
Oblystyq densaýlyq saqtaý basqarmasynyń naqtylaýynsha, bala jabyq bas-mı jaraqatyn alǵan, mıy shaıqalǵan.
Osyndaı taǵy bir oqıǵa Saraıshyq kóshesi 55-mekenjaıynda boldy. Búgin saǵat 03.04-te 1995 jylǵy er adam tórtinshi qabattan qulap ketken.
Ashyq bas-mı jáne basqa jaraqat alǵan ol mas kúıinde bolǵan. Er adam qalalyq kópbeıindi aýrýhanaǵa jetkizildi.
Eske sala keteıik, budan buryn BQO-da avtokólik aýdarylyp, júrgizýshi mert bolǵanyn jazǵan edik.
