Oralda 3 jasar bala balabaqshadan qashyp ketken: Tárbıeshi jumysynan bosatyldy

ORAL. QazAqparat – Oralda 3 jasar balanyń balabaqshadan qashyp ketýine baılanysty tárbıeshi jumysynan bosatyldy, dep habarlaıdy QazAqparat tilshisi.

Oqıǵa 3 shilde kúni «Malenkıı prınts» jeke balabaqshasynda boldy.

Áleýmettik jelide taraǵan vıdeoda balanyń jol boıymen júgirip bara jatqany anyq kórinedi. Balanyń anasy jelide jazǵanyndaı, baldyrǵandar tańmen balabaqsha aýlasynda serýendep júrgen. Tárbıeshi, medıtsına qyzmetkerleri balalarmen birge bolǵan. Alaıda olardyń biri kóshege shyǵyp ketkenin baıqamaǵan.

Abyroı bolǵanda, jol boıymen júgirip bara jatqan balany júrgizýshi qyz ustap alyp, balabaqshaǵa alyp kelgen.

«Balabaqsha esigi ashyq qalǵan ǵoı. Kúzetshi, balabaqsha meńgerýshisi qaıda qarap otyr?», - dep jazdy balanyń anasy.

Oral qalasy bilim berý bólimi oqıǵany rastady.

«Malenkıı prınts» jeke balabaqshasynda balanyń qashyp ketý oqıǵasy boıynsha anyqtaý jumystary júrgizildi. Balanyń qaýipsizdigin tıisti deńgeıde qadaǵalamaǵan tárbıeshi 4 shilde kúni jumysynan shyǵyp ketti. Búgin bilim berý bóliminde balabaqsha dırektorlarymen Polıtsııa departamenti ókilderiniń qatysýymen balalardyń qaýipsizdigin qamtamasyz etý, jazataıym oqıǵalardyń aldyn alý baǵytynda arnaıy jınalys ótkizildi», - dep habarlady vedomstvodan.