Oralda 3 kólik soqtyǵysyp, birneshe adam zardap shekti
ORAL. QazAqparat – Oral qalasynda úsh avtokólik soqtyǵysyp birneshe adam zardap shekti, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, oqıǵa 20 sáýir kúni shamamen saǵat 09.37-de Jáńgir han kóshesi boıynda boldy.
1959 jylǵy júrgizýshi Volkswagen Vento avtokóligimen «Berkýt» janar-jaǵar maı stansasy tusynda Jáńgir han kóshesinde kele jatqan «Aýdı» avtokóligine jol bermeı, túıisken. Sodan keıin Volkswagen Vento jol boıynda turǵan «KamAZ» avtokóligine baryp soǵylǵan.
Jol apaty saldarynan 2 jolaýshy men 1 júrgizýshi jaraqat aldy.
BQO densaýlyq saqtaý basqarmasy baspasóz qyzmetiniń naqtylaýynsha, jedel járdem saǵat 09.33-te shaqyrylyp, jol apatynan tórt adam zardap shekti.
«Zachagan kentinde turatyn 1968 jáne Terekti aýdanynyń turǵyny, 1969 jylǵy áıeldiń jilinshigi kógergen. Terekti aýdanynyń taǵy bir turǵyny, 1969 jylǵy áıeldiń denesi kógerip, ókshesi synǵan. Oblystyq kópbeıindi aýrýhanaǵa jetkizilgen úsheýi dáriger qaraǵannan keıin ambýlatorlyq em alýǵa jiberildi. Al jabyq bas-mı jaraqatyn alǵan Zachagan kentiniń turǵyny, 1959 jylǵy er adam aýyr halde jansaqtaý bóliminde jatyr», dep habarlady BQO densaýlyq saqtaý basqarmasynan.
