Oralda 3 avtokólik soqtyǵysyp, eki adam zardap shekti
ORAL. QazAqparat - Oralda úsh avtokólik soqtyǵysyp, eki adam zardap shekti, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz qyzmeti málim etkenindeı, oqıǵa 11 qarasha kúni Terekti aýdany Podstepnyı aýyly baǵytyndaǵy kópir ústinde boldy.
Jedel járdem saǵat 08.05-te shaqyryldy.
Jol apaty saldarynan eki áıel jaraqat aldy. Bireýiniń eki tizesiniń eti kógergen. Ekinshisiniń tizeden tómen tusy synǵan. Ekeýi de oblystyq kópbeıindi aýrýhananyń hırýrgııalyq bólimshesine jetkizildi.
Oqıǵa kýágerleriniń sózine qaraǵanda, jol apaty saldarynan kólik keptelisi oryn aldy.
Qazirgi kezde oqıǵanyń jaı-japsary anyqtalý ústinde.
