Oralda 27 kóppáterli úı men kommertsııalyq nysannyń josparǵa saı kelmeıtini anyqtaldy

ORAL. KAZINFORM – Oral qalasynda egjeı-tegjeıli josparlaý jobalaryna ózgeristerdi negizsiz engizý derekteri anyqtaldy.  

архитектура и строительство
Фото: Freepik

QR Sybaılas jemqorlyqqa qarsy is-qımyl agenttigi BQO boıynsha departamentiniń basshysy Ádilhan Sabýrovtyń óńirlik kommýnıkatsııalar qyzmeti alańynda ótken brıfıngide málim etkenindeı, qalanyń bas josparynda Oral-Jelaev tas jolynyń boıyndaǵy jer telimderi sanıtarlyq qorǵaý aımaǵyna jatqyzylǵan.

Ádilhan Bádelhanulynyń sózine qaraǵanda, bul aýmaq jasyl jelektermen kómkerilip, turǵyndardy zııandy zattardyń áserinen qorǵaýy tıis bolǵan.

Sol jerde skver jasaý kózdelgenine qaramastan, 2023 jyly 9 qabatty turǵyn úı salynǵan. Bul túzetý ınvestor men tapsyrys berýshiniń ótinishinsiz jasalǵan.

- Sonymen qatar qurylys týraly sheshimder jóninde qala turǵyndary habardar emes, óıtkeni zańnamada qarastyrylǵan qoǵamdyq tyńdaýlar ótkizilmeıdi. Budan bólek, qalanyń sáýlet kelbeti saqtalmaıdy. Kópqabatty úıler jeke sektormen aralasyp ketken. Trotýarlarda avtoturaqtyń salyný derekteri de bar. Oral qalasy sáýlet jáne qala qurylysy bólimi bergen ruqsat qujattaryn egjeı-tegjeıli josparlaý jobalarymen salystyrý barysynda 27 kóppáterli turǵyn úı men kommertsııalyq ǵımarattyń josparǵa sáıkes kelmeıtini anyqtaldy, - deıdi Á.Sabýrov.

Onyń aıtýynsha, sondaı-aq memlekettik jer kadastrynyń aqparattyq júıesinde memlekettik mekemelerge tıesili jer telimi aýmaǵynyń durys kórsetilmeýi oryn alǵan.

- Aıtalyq, zerde buzylystary bar balalarǵa arnalǵan oblystyq arnaıy keshen mektep-ınternat-kolledjiniń teńgeriminde memlekettik aktige sáıkes aýmaǵy 3,78 gektar jer telimi bar. Alaıda jer kadastry júıesinde osy jer telimi jasandy túrde 2,2 gektarǵa deıin azaıtylyp, qalǵan bóligi bos dep kórsetilgen. Sonyń saldarynan 2016 jyly qalanyń perspektıvaly aýdanynda ornalasqan jer teliminiń bir bóligi jeke tulǵaǵa kóppáterli turǵyn úı salý úshin berilgen. Biraq úı turǵyzylmaǵan. Bizdiń aralasýymyzdan keıin ǵana bul jer telimi memleketke qaıtaryldy, - dedi departament basshysy.

Eske sala keteıik, budan buryn BQO-da avtojol salasynda 271 mln teńgeniń negizsiz jumsalǵanyn jazǵan bolatynbyz.

 

Сейчас читают