Oralda 26 jastaǵy jigit toǵyzynshy qabattan sekirip ketti
ORAL. QazAqparat - Oralda 26 jastaǵy jigit toǵyzynshy qabattan sekirip ketti, dep habarlaıdy QazAqparat tilshisi.
BQO polıtsııa departamenti baspasóz qyzmetinen túsken málimetke qaraǵanda, oqıǵa 22 qyrkúıek kúni saǵat 15.00-de Zachagan kentindegi M.Móńkeuly atyndaǵy kóshede boldy.
«1996 jylǵy turǵyn kóp qabatty úıdiń terezesinen sekirip, ózine-ózi qol jumsady. Atalǵan derek boıynsha QR QK 105-babyna (ózin-ózi óltirýge deıin jetkizý) sáıkes sotqa deıingi tergeý amaldary júrgizilýde. Birqatar saraptama taǵaıyndaldy. Sebepteri men oqıǵanyń mán-jaıyn polıtsııa qyzmetkerleri anyqtaıtyn bolady», dep habarlady vedomstvodan.
Oqıǵa kýágerleriniń sózine qaraǵanda, marqum toǵyzynshy qabattan sekirgen.
Eske sala keteıik, budan buryn BQO-da zorlyqpen óltirilgen 32 jastaǵy turǵynnyń múrdesi tabylǵanyn jazǵan bolatynbyz.
