Oralda 24 júrgizýshiniń jalǵan nómirmen júrgeni anyqtaldy
ORAL. QazAqparat - Oralda 24 júrgizýshiniń jalǵan nómirmen júrgeni anyqtaldy, dep habarlaıdy QazAqparat tilshisi.
BQO sotynyń baspasóz qyzmetinen túsken málimetke qaraǵanda, QR Ákimshilik quqyqbuzýshylyq kodeksi 590-baby 4-bóligine sáıkes jalǵan nemese qoldan jasalǵan memlekettik tirkeý nómiri bar kólik quralyn júrgizgenderge 20 AEK kóleminde aıyppul salynady.
Oral qalasy mamandandyrylǵan ákimshilik sotynyń sheshimimen bıyl 24 júrgizýshi sondaı quqyqbuzýshylyqqa barǵany úshin ákimshilik jaýapkershilikke tartyldy. Olardyń árqaısysyna 48100 teńge aıyppul salyndy.
Qazirgi tańda 20 júrgizýshi aıyppuldy óz erkimen tólese, qalǵan tórteýine májbúrleý sharasy qoldanylatyn bolady.
Eske sala keteıik, budan buryn qalada 80-ge jýyq júrgizýshiniń joldyń qarsy betine shyǵyp ketkeni úshin kýáliginen aıyrylǵanyn jazǵan bolatynbyz.
