Oralda 24 jastaǵy turǵynnan 4 mln teńge bopsalaǵan kúdikti ustaldy

ORAL. KAZINFORM — Batys Qazaqstan oblysy polıtsııa departamenti uıymdasqan qylmysqa qarsy kúres basqarmasynyń qyzmetkerleri Oral qalasynyń 21 jastaǵy turǵynyn qolǵa túsirdi. 

BQO polıtsııa departamenti baspasóz qyzmetiniń málimetinshe, ol 24 jastaǵy azamatty kúsh qoldanamyn dep qorqytyp, odan birneshe aı boıy iri kólemde aqsha bopsalaǵan. Sonymen qatar ol jábirlenýshini shaǵyn nesıeler rásimdeýge májbúrlep, alynǵan qarajatty óz paıdasyna jaratqan. 

— Keltirilgen jalpy materıaldyq shyǵyn 4 mıllıon teńgeden asty. Anyqtalǵandaı, 11 jeltoqsanda atalǵan azamat basqa bir qylmystyq is boıynsha 6 jylǵa bas bostandyǵyn shekteý jazasyna kesilgen. Dál sol kúni taǵy bir qylmystyq is boıynsha kúdiktige aınaldy. Qazirgi ýaqytta ol ýaqytsha ustaý ızolıatoryna qamaldy. Tergeý amaldary júrgizilip jatyr, - dep habarlady vedomstvodan.

Eske sala keteıik, budan buryn BQO-da ınternet-alaıaqtar jábirlenýshilerge 1,8 mlrd teńge zalal keltirgenin jazǵan edik.