Oralda 23 jastaǵy qyz óz-ózine qol jumsamaq boldy
ORAL. QazAqparat - Oralda 23 jastaǵy qyz óz-ózine qol jumsamaqshy bolǵan, dep habarlaıdy QazAqparat tilshisi.
BQO TJ departamenti jedel qutqarý jasaǵynyń bas qutqarýshy-psıhology Leıla Ábdirahmanovanyń aıtýynsha, oqıǵa 28 aqpan kúni boldy.
Saǵat 01.18-de bul jóninde qyzdyń qurbysy habarlaǵan. Qyz ómirmen qoshtasqysy keletinin jazyp, qurbysyna habarlama joldaǵan.
Qutqarýshylar oqıǵa ornyna kelip jetkende, úıdiń esigi ishinen kiltteýli tur eken. Páterge kirgende, turmystyq gazdyń ótkir ıisi sezildi. Qyz edende es-tússiz qulap jatqan.
Qutqarýshy Bekjan Aıtqalıev zardap shegýshini balkonǵa alyp shyǵyp, polıtsııa qyzmetkerimen birge alǵashqy medıtsınalyq kómek kórsetti.
Jansaqtaý sharalary nátıjesinde esin jıǵan qyz jedel járdem brıgadasyna tapsyryldy.
