Oralda 221 qarý balqytyldy
ORAL. QazAqparat -Oral qalasyndaǵy armatýra zaýytynda 221 qarý joıyldy, dep habarlaıdy QazAqparat tilshisi.
BQO ishki ister departamentiniń baspasóz qyzmetinen túsken málimetke qaraǵanda, sonyń ishinde 197 tegis uńǵyly ańshy myltyǵy, 15 gazdy tapansha, 3 travmatıkalyq tapansha, 6 sholaq myltyq balqytyldy.
Sonymen qatar 6 elektroshoker, 3 pyshaq, 1 oqdári qoraby jáne IJ-43 ańshy myltyǵynyń 2 tetigi qurdymǵa ketti.
Bular tárkilengen, tabylǵan, sondaı-aq turǵyndar óz erkimen tapsyrǵan qarýlar edi.
Peshte balqytylǵan qarýdan 240 kg metall alyndy.
Aıta keteıik, mundaı shara toqsan saıyn ótkiziledi.
