Oralda 22 jastaǵy qyzdy óltirgen kúdikti ustaldy

ORAL. QazAqparat – Oral qalasynda 22 jastaǵy qyzdy óltirgen kúdikti ustaldy, dep habarlaıdy QazAqparat tilshisi.

Budan buryn QazAqparat jazǵandaı , Oralda orman mańynan belgisiz áıeldiń múrdesii tabylǵan bolatyn.

Keıin anyqtalǵanyndaı, marqum 1999 jylǵy qyz bolyp shyqty.

BQO polıtsııa departamentiniń baspasóz qyzmeti málim etkendeı, asa aýyr qylmystyń izi sýymaı ashyldy.

Jedel izdestirý sharalary barysynda 1994 jylǵy er adam polıtsııa qyzmetkerleriniń qolyna tústi.

«Qazirgi kezde QR QK 99-babyna (kisi óltirý) sáıkes sotqa deıingi tergeý jumystary jalǵasýda. Basqa aqparat QR Qylmystyq is júrgizý kodeksiniń 201-babyna sáıkes jarııa etilmeıdi» dep habarlady QazAqparat tilshisine BQO polıtsııa departamentiniń baspasóz qyzmeti.