Oralda 22 jastaǵy qyz 9 qabatty úıdiń tóbesinen sekirip ketti

ORAL. QazAqparat – Oral qalasynda 22 jastaǵy qyz 9 qabatty úıdiń tóbesinen sekirip ketti, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz qyzmetinen túsken málimetke qaraǵanda, oqıǵa keshe túste bolǵan.

«Jedel járdem saǵat 13:17-de shaqyrtyldy. 2001 jylǵy qyz 9-qabattan sekirip ketken. Kóptegen jaraqat alyp, jedel járdem barǵan kezde qaıtys bolyp ketti», - dep habarlady vedomstvodan.

BQO polıtsııa departamentiniń baspasóz qyzmeti bolǵan oqıǵany rastap, QR QK 105-babyna sáıkes sotqa deıingi tergeý amaldary júrgizilip jatqanyn jetkizdi.

Turǵyndardyń sózine qaraǵanda, marqum Terekti aýdanynda týyp-ósken. Keıingi ýaqytta Oral qalasynda jumys istep júrgen. Sol kúni tanys qyzdary turatyn úıge baryp, osyndaı jaǵdaıǵa tap bolǵan.

Eske sala keteıik, budan buryn BQO-da sý tasqynynan bir adamnyń kóz jumǵanyn jazǵan bolatynbyz.