Oralda 21 jastaǵy qyz jetinshi qabattan sekirip ketti
ORAL. QazAqparat - Oralda 21 jasar qyz jetinshi qabattan sekirip ketti, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa búgin tańda oryn aldy.
1998 jylǵy qyz 7-qabat balkonynan sekirip ketti.
Qyzdyń qaıtys bolý oqıǵasy boıynsha QR QK 105-babyna sáıkes (ózin-ózi óltirýge deıin jetkizý) sotqa deıingi tergeý amaldary júrgizilýde.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, Zaharov kóshesindegi úıge jedel járdem saǵat 06.32-de shaqyryldy. Brıgada bes mınýttan keıin jetti.
Bas pen mıdyń ashyq jaraqatyn alǵan qyz jedel járdem kóliginde kóz jumdy.
Eske sala keteıik, budan buryn BQO-da jas muǵalimniń asýly kúıinde tabylǵanyn, Oralda tórtinshi qabattaǵy terezeden 6 jasar qyzdyń qutqarylǵanyn jazǵan bolatynbyz.
