Oralda 2 jasar qyz kirjýǵysh mashına ishinde qystyrylyp qaldy

ORAL. QazAqparat – Oralda 2 jasar qyz kirjýǵysh mashınanyń barabanyna qystyrylyp qaldy, dep habarlaıdy QazAqparat tilshisi.

BQO Tótenshe jaǵdaılar departamentiniń baspasóz qyzmetinen málim etkenindeı, oqıǵa 17 shilde kúni tústen keıin M. Júnisov kóshesindegi 184-úıde boldy.

«Saǵat 14.20-da 112 pýltine qyz balanyń jartylaı avtomatty kirjýǵysh mashınanyń barabanyna qystyrylyp qalǵany jóninde habar túsken. Oqıǵa ornyna jedel jetken qutqarýshylar 2021 jylǵy qyzdy arnaıy quraldardyń kómegimen mashına barabanynan shyǵaryp, ata-anasyna tabystady. Sábıge alǵashqy medıtsınalyq kómek kórsetildi. Jumys saǵat 15.00-de aıaqtaldy. BQO TJD ata-analarǵa kishkentaı balalaryn qaraýsyz qaldyrmaý kerektigin eske salady», - dep habarlady vedomstvodan.

Eske sala keteıik, budan buryn Oralda jańbyr saldarynan kópqabatty úılerdiń jertólesine sý kirgenin jazǵan bolatynbyz.