Oralda 2 jasar qyz ekinshi qabattaǵy terezeden qulap ketti

ORAL. QazAqparat – Oral qalasynda 2 jasar qyz ekinshi qabattaǵy terezeden qulap ketti, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkenindeı, oqıǵa 15 mamyr kúni saǵat 12.30-da N.Nazarbaev dańǵyly 148/1-mekenjaıynda ornalasqan 9 qabatty úıde boldy.

Ata-anasynyń qaraýynsyz qalǵan 2019 jylǵy qyz ekinshi qabattaǵy terezeden qulap ketken.

Aldyn ala málimetke qaraǵanda, jabyq bas-mı jaraqatyn alyp, mıy shaıqaldy degen kúdikpen qyz aýrýhanaǵa jatqyzyldy. Jaǵdaıy ortasha.

Oblystyq densaýlyq saqtaý basqarmasynyń naqtylaýynsha, ekinshi qabattan qulaǵan qyz quıymshaq pen jambastyń jabyq synyq jaraqaty jáne qulaǵy kógergen degen kúdikpen anasymen birge oblystyq kópbeıindi balalar aýrýhanasyna jetkizildi.

Eske sala keteıik, budan buryn Aqsaı qalasynda 6 adamnyń tamaqtan ýlanyp, aýrýhanaǵa túskenin, Oralda eki avtokólik soqtyǵysyp, úsh balanyń zardap shekkenin jazǵan bolatynbyz.

Sondaı-aq Aqsaıda tamaqtan ýlanǵan 9 adam dárigerge júgingen.