Oralda 2 jasar qyz bala úshinshi qabattan qulap ketti
ORAL. QazAqparat – Oralda eki jasar qyz bala úshinshi qabattaǵy terezeden qulap ketti, dep habarlaıdy QazAqparat tilshisi.
BQO TJ departamentiniń bastyǵy Jasulan Jumashev málim etkendeı, oqıǵa 20 maýsym kúni keshkisin saǵat 20.00-de bolǵan.
Á.Moldaǵulova kóshesi 16/1-mekenjaıynda ornalasqan bes qabatty úıdiń úshinshi qabatyndaǵy terezeden 2018 jylǵy qyz bala qulap ketken.
Sábı oblystyq kópbeıindi balalar aýrýhanasyna jatqyzyldy.
Bul – bıylǵy osyndaı tórtinshi oqıǵa.
Oblystyq densaýlyq saqtaý basqarmasynyń naqtylaýynsha, qyzdyń jaǵdaıy aýyr. Ol búgin jansaqtaý bóliminen travmatologııalyq bólimshege aýystyryldy.
Eske sala keteıik, budan buryn Oralda jasóspirimniń Derkól ózenine batyp ketkenin jazǵan bolatynbyz.
