Oralda 2 avtokólik soqtyǵyp, eki adam jaraqat aldy
ORAL. QazAqparat – Oralda eki avtokólik soqtyǵysyp, eki adam jaraqat aldy, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, oqıǵa 21 mamyr kúni túnde ıÝ.Gagarın men Sh.Aıtalıev kósheleriniń qıylysynda boldy.
«Lada Granta» avtokóliginiń júrgizýshisi solǵa burylar kezde «Toıota Kamrıge» jol bermeı, soqtyǵysqan. Sonyń saldarynan «Lada Granta» avtokóliginde otyrǵan eki jolaýshy jaraqat aldy.
Qazirgi kezde oqıǵanyń mán-jaıy anyqtalyp jatyr.
BQO densaýlyq saqtaý basqarmasynyń naqtylaýynsha, jedel járdem saǵat 22.11-de shaqyrylyp, brıgada bes mınýttan keıin jetti. Aldyn ala málimetke qaraǵanda, 1997 jylǵy qyz jabyq bas-mı jaraqatyn alyp, mıy shaıqalǵan. Oǵan qosa samaı tusy kógergen. 1962 jylǵy áıeldiń beli kógergen. Ekeýi de oblystyq kópbeıindi aýrýhananyń hırýrgııalyq bólimshesine jetkizildi.
Eske sala keteıik, budan buryn BQO turǵyny jedel járdem kóligin urlap minip, qorshaýǵa soǵylǵanyn, Oralda avtokólik velosıpedpen júrgen 11 jasar eki balany qaǵyp ketkenin jazǵan bolatynbyz.
