Oralda 2 avtokólik soǵysyp, eki qyz aýrýhanaǵa jetkizildi
ORAL. QazAqparat – Oralda qos avtokólik soqtyǵysyp, eki qyz aýrýhanaǵa jetkizildi, dep habarlaıdy QazAqparat tilshisi.
Oqıǵa búgin Zachagan kentindegi Jáńgir han kóshesi boıynda boldy.
«VAZ-2114» jáne «Aýdı» avtokólikteri soqtyǵysty. Sonyń saldarynan «VAZ-2114» avtokóliginiń júrgizýshisi men jolaýshysy zardap shekti.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdemge saǵat 11.36-da qońyraý shalyndy. Brıgada 11.41-de jetti.
Zardap shekkenderdiń ekeýi de – 1997 jylǵy qyzdar. Aldyn ala málimetke qaraǵanda, jabyq bas-mı jaraqatyn alyp, mıy shaıqalǵan. Olar qalalyq kópbeıindi aýrýhanaǵa jetkizildi.
«Qyzdardyń bireýi ambýlatorlyq em alýǵa jiberildi. Jabyq bas-mı jaraqatyn alǵan ekinshisiniń jaǵdaıy qalypty», dedi QazAqparat tilshisine A.Saqposynova.
Eske sala keteıik, budan buryn BQO-da kólik aýdarylyp, eki jigittiń qaza tapqanyn jazǵan bolatynbyz.
