Oralda 2 adamdy óltirdi degen kúdiktiler ustaldy
ORAL. QazAqparat - Oralda eki er adamnyń ólimine qatysty kúdiktiler ustaldy, dep habarlaıdy QazAqparat tilshisi.
Oral qalalyq ishki ister basqarmasy bastyǵynyń birinshi orynbasary Nurlan Bısenovtiń aıtýynsha, qandy oqıǵa H.Chýrın kóshesi boıyndaǵy kóp qabatty 162-úıde oryn aldy.
6 qazan kúni tús aýa páterlerdiń birinen 1978 jáne 1987 jylǵy eki adamnyń múrdesi tabyldy.
«Osy qylmysqa kúdikti retinde eki adam ustalyp, ýaqytsha oqshaýlaý ızolıatoryna qamaldy. Qazirgi kezde QR QK 99-baby 2-bóligine sáıkes (eki adamdy óltirý) qylmystyq is qozǵalyp, tergeý amaldary júrgizilýde», dedi QazAqparat tilshisine N.Bısenov.
