Oralda 2 adam muz astyna túsip ketti
ORAL. QazAqparat - Oralda eki er adam muz astyna túsip ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa búgin Jelaev kentinde boldy.
Qutqarýshylar (4 adam, 1 tehnıka) saǵat 17.49-da jetkende eki adamnyń sondaı jaǵdaıǵa tap bolǵany anyqtaldy.
Olardyń ekeýi de qutqaryldy.1989 jylǵy er adam konkımen syrǵanaımyn dep muzdyń astyna túsip ketse, ekinshisi, 1967 jylǵy azamat oǵan járdem bermek bolǵan.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, 1989 jylǵy er adam medıtsınalyq kómekke júgindi. Jaraqat almaǵan. Denesi tońazyǵan ol qalalyq kópbeıindi aýrýhanaǵa jetkizildi.
Eske sala keteıik, budan buryn BQO-da muzdyń astyna túsip ketken eki er adamnyń qutqarylǵanyn jazǵan bolatynbyz.
