Oralda 18 jastaǵy júrgizýshi keıýanany qaǵyp, mert qyldy

ORAL. QazAqparat – Oralda avtokólik qaǵyp ketken 80 jastaǵy keıýana kóz jumdy, dep habarlaıdy QazAqparat tilshisi.

BQO Polıtsııa departamentiniń baspasóz qyzmetinen málim etkenindeı, oqıǵa 1 qazan kúni saǵat 14.20-da boldy.

18 jastaǵy júrgizýshi «Hyundai Sonata» avtokóligimen N.Nazarbaev dańǵylymen kele jatyp, «Marına» kafesi tusynda retteletin jaıaý júrginshi ótkelimen ótip bara jatqan 1941 jyly týǵan keıýanany qaǵyp ketken.

«Jol apaty saldarynan keıýana oblystyq kópbeıindi aýrýhanaǵa jetkizilip, travmatologııa bólimshesine jatqyzyldy. Alaıda saǵat 18.30-da qaıtys boldy.

Múrde sot-medıtsınalyq saraptamaǵa jiberildi.

Avtokólik arnaıy turaqqa qoıyldy. Qazirgi kezde atalǵan oqıǵa boıynsha QR QK 345-baby 3-bóligine sáıkes sotqa deıingi tergeý amaldary júrgizilýde», dep habarlady vedomstvodan.