Oralda 17 jastaǵy jasóspirim kólikti aıdap ketip, órtep jibergen
ORAL. QazAqparat – Oralda 17 jasar jasóspirim kólikti aıdap ketip, órtep jibergen, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa 21 tamyzǵa qaraǵan túnde bolǵan.
2002 jylǵy jasóspirim Oral qalasynyń 27 jasar turǵynyna tıesili «VAZ-2109» markaly avtokóligin aıdap ketken.
Jábirlenýshi avtokóligin aýladaǵy turaqqa qoıyp, ishine 150 myń teńgesin qaldyryp ketken.
Ury qylmystyń izin jasyrý úshin kólikti bólshektep, órtep jibergen. Kólik Han toǵaıy aýdanynan órtengen kúıinde tabyldy.
Ustalǵan kúdiktiden aıǵaq zattar (kiltter jıyntyǵy, medıtsınalyq kómek kitaby, dońǵalaqtar) tárkilendi.
Abaı polıtsııa bólimi QR QK 200-baby 1-bóligine sáıkes (kólik aıdap ketý) sotqa deıingi tergeý amaldaryn júrgizýde. Kúdiktiniń basqa da qylmystarǵa qatystylyǵy tekserilýde.
Eske sala keteıik, budan buryn jasóspirimderdiń páterge túsip, azyq-túlik urlaǵanyn jazǵan bolatynbyz.
