Oralda 17 jasar qyz bala sýǵa batyp ketti
ORAL. QazAqparat - Keshe Oral qalasyndaǵy «Svetlıachok» týrbazasynda qaıǵyly oqıǵa oryn aldy, dep habarlaıdy «QazAqparat» tilshisi.
Osynda demalýǵa kelgen 1999 jylǵy qyz Derkól ózenine batyp ketti.
BQO TJ departamentinen túsken málimetke qaraǵanda, oqıǵa ornyna jetken qutqarýshylar saǵat 16.00-de marqumnyń denesin sýdan shyǵardy.
Aıta keteıik, bul - bıylǵy osyndaı birinshi qaıǵyly oqıǵa. Budan buryn qutqarýshylar Shalqar kólinde tórt jas jigitti, Oralda Shaǵan ózeninde 12 jáne 5 jasar balany qutqaryp qalǵan bolatyn.
2015 jyly óńirde 29 (13-i - balalar), ótken jyly 20 adam (9-y - balalar) sýǵa ketti.
