Oralda 16 jastaǵy jasóspirim úsh kúnnen beri izdestirilip jatyr
ORAL. QazAqparat – Oralda 16 jastaǵy jasóspirim úsh kúnnen beri izdestirilip jatyr, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, Aleksandr Mılıýkov 19 naýryz kúni tańmen Zachagan kentindegi otbasylyq úlgidegi balalar aýylynan shyǵyp ketkennen oralmaǵan.
Ol osydan týra 16 jyl buryn, 2004 jylǵy 22 naýryzda dúnıege kelgen.
Jasóspirimdi kórgen ne habary bar adamdar 102 nemese 92-18-04 telefonyna habarlasa alady.
Eske sala keteıik, budan buryn Oralda joǵalyp ketken áıeldiń aýyldan tabylǵanyn jazǵan bolatynbyz.
