Oralda 16 jastaǵy jasóspirim alty kúnnen beri izdestirilip jatyr

ORAL. KAZINFORM — Oral qalasynda joǵalyp ketken 16 jastaǵy jasóspirim qyzǵa izdeý jarııalandy.

Aılýna Být otbasylyq úlgidegi balalar aýylynan 21 qańtar kúni shamamen saǵat 15.30-da belgisiz baǵytta shyǵyp ketkennen oralmaǵan. 

Lider.kz izdestirý qozǵalysynyń eriktileri taratqan málimetke qaraǵanda, Aılýnanyń boıy 160-165 sm, shymyr deneli, kózi qara, qara shashy ıyǵyna túsken. Ústine kapıýshony bar qara kúrte, sondaı tústegi fýtbolka men trıko, aıaǵyna aq krossovka kıgen. 

Jasóspirim qyzdy kórgen jandar bolsa, 8-777-184-04-90, 8-705-796-68-68 nemese 102 nómirine habarlasýy suralady.

BQO polıtsııa departamenti qazirgi kezde jasóspirimniń izdestirilip jatqanyn rastady.

— Budan buryn ol otbasylyq úlgidegi oblystyq balalar aýylynan ózdiginen birneshe ret ketip qalǵan. Polıtsııa qyzmetkerleri ony Aqsaı qalasynan tapqan bolatyn. Іzdestirý jumystary jalǵasyp jatyr, — dep habarlady vedomstvodan.

Eske sala keteıik, budan buryn Oralda jasóspirimdi uryp-soǵý deregi boıynsha qylmystyq is qozǵalǵanyn jazǵan edik.