Oralda 16 jasar qyz tórtinshi qabattan sekirip, aman qaldy
ORAL. QazAqparat – Oralda 16 jasar qyz tórtinshi qabattan sekirip ketti, dep habarlaıdy QazAqparat tilshisi.
Oqıǵa 16 qyrkúıek kúni keshkisin Á.Moldaǵulova kóshesi 9-mekenjaıynda oryn aldy.
Oblystyq densaýlyq saqtaý basqarmasynyń baspasóz qyzmeti málim etkenindeı, qyz bas súıeginen jaraqat alyp, mıy shaıqalǵan. Oń jambasynyń ushy synǵan.
Aman qalǵan qyz oblystyq kópbeıindi aýrýhanaǵa jetkizildi.
Qazirgi kezde onyń jaǵdaıy ortasha aýyr dárejede, bólimshede jatyr. Dıagnozy – jambasy men ıyǵy synǵan, jabyq bas-mı jaraqaty.
Eske sala keteıik, budan buryn Oralda er adamnyń denesi tabylǵanyn jazǵan bolatynbyz.
