Oralda 15 jasar oqýshy Shaǵan ózenine batyp ketti

ORAL. KAZINFORM – Oral qalasynda sýǵa shomylý kezinde qaıǵyly oqıǵa boldy. 

BQO TJ departamentiniń baspasóz qyzmetinen málim etkenindeı, 11 maýsym kúni qaladaǵy «Vıshnevyı sad» saıajaı birlestigi aýdanynda 15 jasar jasóspirim Shaǵan ózenine batyp ketken. Onyń múrdesin kýágerler sýdan shyǵardy.

Bul – osymen jyl basynan bergi ekinshi oqıǵa. Budan buryn 27 mamyr kúni Báıterek aýdany Beles aýyly mańynda taǵy bir jasóspirim jabdyqtalmaǵan jerden sýǵa túsip, batyp ketken. 

Ótken jyly oblys boıynsha barlyǵy 16 adam qaıǵyly qazaǵa ushyrasa, sonyń altaýy – balalar. 

BQO TJ departamenti shomylý kezinde qaýipsizdik máselesin umytpaý kerektigin eske salady.

Jyl basynan beri sý aıdyndaryndaǵy qaýipsizdik qaǵıdalaryn buzǵany úshin QR Ákimshilik quqyq buzýshylyq týraly kodeksiniń 412-babyna sáıkes 20 adam jáne 2 zańdy tulǵa jaýapkershilikke tartylyp, olarǵa 348 282 teńge aıyppul salyndy.

Eske sala keteıik, budan buryn Toqtar Áýbákirovtiń sýǵa batyp bara jatqan balany qutqaryp qalǵanyn jazǵan bolatynbyz.