Oralda 14 jastaǵy jasóspirim sýǵa ketti
ORAL. QazAqparat – Oralda 14 jastaǵy jasóspirim sýǵa batyp ketti, dep habarlaıdy QazAqparat tilshisi.
BQO Tótenshe jaǵdaılar departamentiniń baspasóz qyzmetinen túsken málimetke qaraǵanda, oqıǵa búgin jas natýralıster stansasy aýdanynda Shaǵan ózeninde boldy.
2005 jylǵy jasóspirim shomylýǵa tyıym salynǵan jerde sýǵa túsken. Saǵat 17.04-te qutqarýshylar (3 qyzmetker, 1 júzý quraly, 1 tehnıka) izdestirý jumystaryn júrgizdi.
Saǵat 18.08-de marqumnyń denesi sýdan shyǵaryldy.
Eske sala keteıik, budan buryn Batys Qazaqstanda taǵy bir adamnyń sýǵa ketkenin jazǵan bolatynbyz.
Osyǵan deıin óńirde 26 adam sýǵa batsa, sonyń jeteýi balalar edi.
