Oralda 14 jastaǵy balany urǵan satýshyǵa jaza kesildi

ORAL. KAZINFORM – Oral qalalyq sotynda 14 jastaǵy balany urǵan satýshy áıelge qatysty úkim shyqty.

BQO sotynyń baspasóz qyzmetinen málim etkenindeı, oqıǵa ótken jylǵy 2 qarashada ıÝ. degen satýshynyń jumys ornynda bolǵan. 

A. degen jasóspirim býtıktiń shyny vıtrınasyna súıenip turǵan. Satýshynyń: «Shyny vıtrınaǵa súıenýge bolmaıdy» degen eskertýine qulaq aspaǵan bala balaǵat sózder aıtqan. Aqyry ekeýiniń arasynda janjal týyndap, sottalýshy jábirlenýshiniń oń jaq beti men qolynan urǵan. Osyǵan baılanysty bala denesin aýyrsynyp, moraldyq zardap shekken.

- Sottalýshy óz kinásin moıyndady. Jábirlenýshiniń zańdy ókili oǵan qatań jaza berýdi surady. Sot QR QK 109-1-baby 2-bóligi 8-tarmaǵyna sáıkes ıÝ-dy kináli dep tanyp, oǵan 100 AEK kóleminde, ıaǵnı 369,2 myń teńge aıyppul salyndy. Úkim zańdy kúshine endi, - dep habarlady vedomstvodan.

Eske sala keteıik, budan buryn BQO-da sot talaptaryn oryndamaǵan departamentke shara qoldanylǵanyn jazǵan edik.