Oralda 14 jáne 15 jasar eki jetkinshek balalar úıinen qashyp ketken
ORAL. QazAqparat - Batys Qazaqstan oblysynda balalar aýylynyń eki tárbıelenýshisi joǵalyp ketti, dep habarlaıdy QazAqparat oblystyq polıtsııa departamentine silteme jasap.
25 qyrkúıek kúni Oral qalasy Zachagan kentiniń polıtsııa kezekshi bólimine oblystyq balalar aýylynyń basshylyǵy shaǵymdanyp kelgen. Aıtýlarynsha, kámelet jasyna tolmaǵan eki jetkinshek aýyldan qashyp ketken.
Olar - 2005 jyly 19 mamyrda týǵan Sergeı Taıshev jáne 2006 jyly 10 qyrkúıekte dúnıege kelgen Ilıa Shkanov.
Sergeıdiń boıy - 160-165 sm, shashynyń túsi - aqshyl sary. Ústinde qara tústi sport jeıdesi, kókshil fýtbolka, kók djınsy, aıaǵynda qara kross bolǵan.
Ilıanyń boıy - 158-160 sm, aryqsha kelgen, kóziniń túsi - qara, shashy qysqa qyrqylǵan, qara tústi. Ústinde aq kóılek, kúńgirt kók tústi shalbar, qara týflı bolǵan.
Olar 24 qyrkúıek tańǵy saǵat 10:00 shamasynda Oral qalasyndaǵy balalar aýylynan shyǵyp ketkennen qaıtyp oralmaǵan.
Balalar jaıly qandaı da bir málimet biletin jandar myna nómirler arqyly Oral qalalyq polıtsııa bólimine habarlasa alady: (8-7112) 21-17-19, 28-33-96, 92-18-04, 98-44-53 nemese 102.
