Oralda 13 jastaǵy qyzdy soqqyǵa jyqqan jasóspirimder ustaldy

ORAL. KAZINFORM – Oral qalasynda Ulttyq ulan jaýyngerleri býllıngke ushyraǵan qyzdy qutqaryp qaldy.

QR Ulttyq ulany “Batys” óńirlik qolbasshylyǵynyń baspasóz qyzmetinen málim etkenindeı, 5517-áskerı bóliminiń qyzmetshileri qala kóshelerin patrýldeý kezinde kómekke shaqyrǵan adamnyń daýysyn estigen.

Oqıǵa ornyna jetken sarbazdar jasóspirimderdiń qysymyna tap bolǵan qyzdy anyqtady. Ulandyqtardyń kásibıligi men batyldyǵynyń arqasynda eki agressıvti jasóspirim sol jerde ustalyp, polıtsııaǵa tapsyryldy. 

- Biz qyzdy kórip, oǵan kómek qajet ekenin birden túsindik. Balalar arasyndaǵy daý tóbeleske aınalǵan. Biz dereý arashaǵa túsip, jaǵdaıdy rettedik, – deıdi qatardaǵy jaýynger Ǵalamat Nurbergen. 

Býllıngke ushyraǵan 13 jastaǵy qyzdyń anasy Tatıana Efremova eger ulandyqtar kómekke kelmegende, balasynyń densaýlyǵyna áldeqaıda aýyr zardaptar kelýi múmkin ekenin atap ótti.

Ol 5517-áskerı bóliminiń quramyna alǵys bildirdi. 

- Qolǵa túsken jasóspirimder quqyq qorǵaý organdaryna tapsyryldy, al qyzǵa qajetti medıtsınalyq kómek pen qoldaý kórsetildi, - dep habarlady vedomstvodan.

Eske sala keteıik, budan buryn oraldyq sarbazdyń Aqtaýda ant qabyldaý kezinde súıiktisine usynys jasaǵanyn jazǵan bolatynbyz.