Oralda 13 jasar qyzdy zorlady degen kúdikpen taǵy bir adam ustaldy

ORAL. QazAqparat – Oralda 13 jasar qyzdy zorlady degen kúdikpen taǵy bir adam qamaýǵa alyndy, dep habarlaıdy QazAqparat tilshisi.

Maýsymnyń 11-inen 12-ne qaraǵan túni Oral qalasynda oqýshy qyz zorlanǵany týraly jazǵan edik. Polıtsııa aqparatyna sáıkes, oqıǵa jaldamaly páterde bolǵan. Kúdikti retinde 16, 17 jastaǵy 4 jasóspirim ustalǵan bolatyn.

BQO Polıtsııa departamentiniń baspasóz qyzmetinen búgin málim etkenindeı, kúdikke taǵy bir jas jigit ilikti.

«Bul kúdikti kámeletke tolǵan. Aldyn ala málimet boıynsha ol qylmys jasalǵan páterdi jalǵa alǵan. Besinshi kúdikti de ýaqytsha ustaý ızolıatoryna toǵytylyp, sot sanktsııasymen eki aıǵa qamaldy. Tergeý joramaly boıynsha qyzdy páterge aldap shaqyrǵan. Kúdiktilerdiń kinási dáleldense, olar 20 jylǵa deıin bas bostandyqtarynan aıyrylýy múmkin», - dep habarlady vedomstvodan.

Qazirgi kezde tergeý amaldary jalǵasyp jatyr.