Oralda 13-qabattan qulaǵan jas jigit mert boldy
ORAL. KAZINFORM — Oralda 14 qabatty turǵyn úıde qaıǵyly oqıǵa boldy.
BQO polıtsııa departamentiniń baspasóz qyzmetinen málim etkenindeı, oqıǵa 11 mamyr kúni túski mezgilde «Qurylysshy» shaǵynaýdanynda boldy.
Aldyn ala málimet boıynsha 13-qabattan 27 jastaǵy azıat pishindes jas jigit qulap ketken. Oqıǵa ornynda polıtsııa qyzmetkerleri jumys istedi.
— Alǵan jaraqattary saldarynan marqum oqıǵa ornynda kóz jumdy. Qazirgi kezde oqys oqıǵanyń jaı-japsary anyqtalyp jatyr, — dep habarlady vedomstvodan.
Eske sala keteıik, budan buryn Oralda avtosalonda tórt áıeldiń jaraqat alýyna baılanysty tekserý júrgizilip jatqanyn jazǵan edik.
