Oralda 13 adamǵa 6,5 mln teńge zalal keltirgen alaıaq ustaldy

ORAL. KAZINFORM — Oralda qala turǵyndaryn júrgizýshi kýáligin jasap beremin dep aldaǵan alaıaq ustaldy.

BQO polıtsııa departamentiniń baspasóz qyzmetinen málim etkenindeı, Shaǵan polıtsııa bóliminiń krımınaldyq polıtsııa qyzmetkerleri kúdiktini jedel izdestirý is-sharalary nátıjesinde quryqtaǵan.

- Alaıaq Oral qalasy aýmaǵynda azamattardyń senimine kirip, aqshalaryn ıemdenip ketken. Kúni búgin onyń áreketinen japa shekken 13 turǵyn anyqtaldy. Keltirilgen jalpy shyǵyn kólemi – 6,5 mln teńge. Alaıaqtyq deregi boıynsha qylmystyq is qozǵalyp, kúdikti ýaqytsha ustaý ızolıatoryna qamaldy. Qazirgi kezde tergeý amaldary júrgizilip jatyr. BQO polıtsııa departamenti azamattarǵa saq bolyp, qujattardy tek resmı jolmen rásimdeý kerektigin eske salady, - dep habarlady vedomstvodan.

Eske sala keteıik, budan buryn Batys Qazaqstanda avtokólik órtenip, tórt adamnyń qaza tapqanyn jazǵan edik.