Oralda 12 júrgizýshi jalǵan kólik nómirlerimen ustaldy
ORAL. QazAqparat - Oral qalasynda jalǵan memlekettik tirkeý nómirin paıdalanǵan 12 júrgizýshi anyqtalyp, jaýapqa tartyldy, dep habarlaıdy QazAqparat tilshisi.
BQO sotynyń baspasóz qyzmetinen túsken málimetke qaraǵanda, Oral qalasy mamandandyrylǵan ákimshilik soty olardyń árqaısysyna 48100 teńge kóleminde aıyppul saldy.
Kúni búginge deıin olardyń segizi aıyppuldy óz erkimen tólegen. Qalǵandarynan májbúrli túrde óndiriledi.
Aıta keteıik, QR jol júrý erejesine sáıkes memlekettik tirkeý nómiri joq nemese tirkeý qujattaryna saı kelmegen kólik quralyn basqarýǵa tyıym salynady. QR Ákimshilik quqyqbuzýshylyq kodeksi 590-baby 4-bóligine sáıkes jalǵan memlekettik tirkeý nómirin taqqan júrgizýshige 20 AEK kóleminde aıyppul salynady nemese ol bir jyl merzimge kólik quralyn basqarý quqyǵynan aıyrylady.
