Oralda 12 jastaǵy bala ózenge batyp ketti
ORAL. KAZINFORM — Oral qalasynda «Teleortalyq» mańynda qaıǵyly oqıǵa tirkeldi.
BQO TJ departamentiniń baspasóz qyzmetinen málim etkenindeı, oqıǵa 16 mamyr kúni boldy.
— Shaǵan ózeni jaǵasynda eresek adamdardyń qaraýynsyz qalǵan 2014 jylǵy bala sýǵa qulap, batyp ketti. Qutqarýshylar jasóspirimniń denesin sýdan izdep taýyp, alyp shyqty, — dep habarlady vedomstvodan.
Bul — óńirdegi osyndaı birinshi oqıǵa. Degenmen oblysta shomylý maýsymy bastalǵan joq.
Departament derekterine sáıkes Batys Qazaqstan oblysynda 2025 jyly 7 adam sý batyp, kóz jumsa, sonyń bireýi bala edi.
Eske sala keteıik, budan buryn Batys Qazaqstanda shomylýǵa arnalǵan 34 oryn belgilengenin jazǵan edik.
Oralda ortalyq saıabaqtaǵy jaǵajaıdyń jabylyp qalǵany týraly habarlandy.
