Oralda 12 mln-ǵa jýyq qarjyny jymqyrǵan býhgalter sottaldy
ORAL. QazAqparat - Oral qalalyq soty QR QK 189-baby 4-bóligi 2-tarmaǵy, 28-baby 4-bóligi - 420-baby 2-bóligine sáıkes aıyptalǵan Eleonora Pakqa qatysty iske núkte qoıdy, dep habarlaıdy QazAqparat tilshisi.
Atalmysh sottan túsken málimetke qaraǵanda, ol 2013 jyldyń qazanynan 2016 jyldyń qazanyna deıin «KazTehnoGaz» JShS býhgalteri bolyp jumys jasaı júrip, 11 765 801 teńgeni zańsyz ıelenip, jumsaǵan.
Sonymen qatar osy qylmystyq iske qatysty tergeý júrgizilip jatqan kezde, ótken jyldyń jazynda E.Pak T.Tóleýǵalıevany kórineý jalǵan aıǵaqtar berýge ıtermelegen. Sonyń saldarynan T.Tóleýǵalıeva Zashaǵan polıtsııa bóliminde bastapqy tergeý amaldary júrgizilgende, jalǵan aıǵaqtar bergen.
Sot úkimimen E.Pak QR QK 28-baby 4-bóligi - 420-baby 2-bóligi boıynsha qylmys quramy bolmaǵandyqtan, aqtaldy. Al 189-baby 4-bóligi 2-tarmaǵyna sáıkes aıypty dep tanylyp, memlekettik jáne kommertsııalyq uıymdarda materıaldyq jaýapty laýazymdy qyzmetter quqyǵynan 10 jyl merzimge aıyrýmen birge oǵan 7 jylǵa bas bostandyǵynan aıyrý jazasy taǵaıyndaldy.
«Qazaqstan Respýblıkasy Táýelsizdiginiń 25 jyldyǵyna baılanysty raqymshylyq jasaý týraly» Zańynyń 4-baby 1-bóligi 2-tarmaǵy negizinde ótelmegen jaza merzimi teń jartysyna, 3 jyl 6 aıǵa qysqartyldy.
Sonymen qatar QR QK 74-baby 1-bóligi qoldanyla otyrylyp, jazany óteý bes jylǵa deıin keıinge qaldyryldy (E.Paktyń uly 15-te, qyzy 9-da jáne óziniń aıaǵy aýyr).
Sot úkimi zańdy kúshine engen joq.
